కొత్తగా ఏమి ఉంది :-యాప్ పనితీరును మెరుగుపరిచారు ఈ యాప్ గురించి: AP ప్రభుత్వంలోని పాఠశాల విద్యా శాఖలో ఉద్యోగులందరికీ హాజరు స్కూల్ అటెండెన్స్‌లో టీచర్ అటెండెన్స్, లీవ్ మేనేజ్‌మెంట్ మరియు స్టూడెంట్ అటెండెన్స్ ఉంటాయి. పాఠశాల క్యాంపస్‌లో ఫోటోలు తీయడం ద్వారా ప్రధానోపాధ్యాయుడు ఉపాధ్యాయుడిని అనుమతిస్తారు. నమోదు చేసుకున్న తర్వాత, ఉపాధ్యాయుడు పాఠశాల క్యాంపస్‌లో హాజరును గుర్తించవచ్చు. ఉపాధ్యాయుడు సెలవు, విధులపై సెలవు, డిప్యుటేషన్ మరియు ప్రతి రకమైన సెలవుల కోసం ఆమోదం కోసం దరఖాస్తు చేసుకోవచ్చు. క్లాస్ టీచర్ విద్యార్థుల హాజరును గుర్తిస్తారు. విద్యార్థుల హాజరులో ఏవైనా దిద్దుబాట్లు ఉంటే లేదా హాజరును ఆమోదించినట్లయితే సంబంధిత పాఠశాల ప్రధానోపాధ్యాయుడు సవరిస్తారు. కింది బటన్ నొక్కి యాప్ అప్ డేట్ చేసుకోవచ్చు. మరింత సమాచారం: 3+ స్టార్ రేటింగ్ ఇవ్వబడింది మరింత తెలుసుకోండి యాప్ సమాచారం: వెర్షన్ : 2.6.6 నవీకరించబడింది ఏప్రిల్ 2, 2025

👉Appeals తర్వాత Seniority Lists Final చేయుటకు DEO కార్యాలయములు సిధ్ధమగుచున్నవి 👉Latest DSC 2018 వరకు& 2023 &2024&2025లో ఇచ్చిన పదోన్నతుల వారితో కలిపి Cader &Subject Wise Seniority Lists Govt/ZP/Mpl మేనేజ్మెంట్ వారిగా తయారయినవి 👉Appeals ను Address చేసిన తర్వాత రెండు రోజులలో తుది జాబితాలు విడుదలగును 👉DSC మెరిట్ వరుసలో SGT,SA జాబితాలు తయారయినవి.(కాని 1996 సర్వీసు రూల్స్ Rule 33 b ప్రకారము Merit cum Roaster వరస లో ఉండాలి) పదోన్నతుల ద్వారా నియామకమయిన SA/HM ల సీనియారిటీ జాబితాలు పదోన్నతులకు నిర్వహించిన కౌన్సిలింగ్ వరుసలోనే సీనియారిటీ ఇవ్వబడినది.ఇదిసబబే 👉 అభ్యంతరాల తర్వాత విడుదలయిన సీనియారిటీ జాబితాలే Final.ఈ Seniority No లో తర్వాత ఎటువంటి మార్పు ఉండదు 👉 ఈ సీనియారిటీ జాబితాలతో SA To HM పదోన్నతులకు అర్హులతోSubject wise SA లతో Interse say Se సీనియారిటీ తో Panel జాబితాలు సిధ్ధం అగును.ఈ జాబితాలలో SA ల సీనియారిటీ తన Subject వారి సీనియారిటీ తో Protect అగును 👉ఈ సీనియారిటీ జాబితాల వరసలోనే SGT to SA పదోన్నతులకు Subject Wise (SA Maths&PS /Eng/BS/SS/PSHM ) Lists తయారగును 👉SC వర్గీకరణ G.O వచ్చిన వెంటనే ఈ పదోన్నతుల జాబితాల తర్వాత SC,ST Ph రిజర్వేషన్ల Roaster points తో Counciling Lists తయారగును 👉 ఈ Seniority జాబితాల లోని Seniority No ను ఉద్యోగుల సీనియారిటీ For All purpose కు నిర్ణయించుటకు Criteria .(Seniority of Employee Determined As per Seniority No ) 👉ఒక పాఠశాలలో కేడర్ సీనియర్/ జూనియర్ ను రేషనలైజేషన్ లో Surplus Teacher గా Identify చేయుటకు మరియు బదిలీలలో ఒకే పాయింట్లు వచ్చినప్పుడు సీనియర్ ను ముందు ఉంచుటకు ఈ సీనియారిటీ నెంబరు నే ఉపయోగిస్తారు 👉 1996 అక్టోబరు 15 న AP Sub ordinate Service Rules 1996 వెలువడినవి. ఈ తేదీకు ముందు GAD వారు నియామకాలు,పదోన్నతుల కోసం 1961 AP SSR కోసం ఇచ్చిన అన్ని జి.ఓ లు రద్దు (Suppression) అయినవి. ఆ G.O లలో అంశాల ఆధారంగా పెట్టుకొన్న Appeals చెల్లు బాటు కావు. 👉సీనియారిటీ జాబితాల పై ఇంకేమైనా అభ్యంతరాలుంటే త్వరగా DEO ల దృష్టికి తీసుకు రావాలి 👉Merit/Merit Cum Roaster పై సంఘాలు తమ Stand ను DEO లకు వ్రాత పూర్వకంగా ఇవ్వాలి.🕊️🕊️ 🕊️ మరిన్ని వార్తలు విశేషాలు చదవండి. 👈

కొన్ని వందల ఏళ్లుగా మరణంపై పరిశోధనలు జరుగుతూనే ఉన్నాయి. చనిపోయిన తర్వాత మనిషి శరీరంలో ఏం మార్పులు జరుగుతాయో శాస్త్రవేత్తలు కనిపెట్టారు. కానీ, చనిపోయిన మనిషిని బతికించలేకపోతున్నారు. అమెరికాకు చెందని ఓ డాక్టర్ మాత్రం చనిపోయిన వాళ్లను బతికించవచ్చని అంటున్నాడు. మనిషి జీవితానికి ఆఖరి మజిలీ మరణం అని అందరికీ తెలిసిన సంగతే. చచ్చిపోయిన మనిషి.. ప్రాణాలతో తిరిగి రాడని కూడా తెలుసు. మరణం తర్వాత ఏం జరుగుతుందో తెలుసుకోవడానికి కొన్ని వందల ఏళ్లుగా పరిశోధనలు జరుగుతూనే ఉన్నాయి. మరణం తర్వాత ఆత్మ శరీరాన్ని విడిచివెళ్లిపోతుందని కొన్ని పరిశోధనల్లో తేలింది. మరణించిన వ్యక్తిని మళ్లీ బతికించడానికి కూడా పరిశోధనలు జరుగుతున్నాయి. అవి ఇంకా ప్రయోగదశల్లోనే ఉన్నాయి. అయితే.. అమెరికాకు చెందిన ఓ శాస్త్రవేత్త మాత్రం చనిపోయిన వ్యక్తిని మళ్లీ బతికించవచ్చని అంటున్నాడు. న్యూయార్క్ యూనివర్శిటీకి చెందిన శ్యామ్ పర్నియా అనే శాస్త్రవేత్త మరణం మనిషి జీవితానికి అంతం కాదని అంటున్నాడు. ఆయన మాట్లాడుతూ.. ‘ ఇన్ని రోజులు మరణం గురించి మనకు తెలిసిన విషయాలన్నీ తప్పు. అది అంతం కాదు. చనిపోయిన మనిషిని మళ్లీ బతికించవచ్చు. చనిపోయిన తర్వాత మనిషి మెదడు కొన్ని గంటలు, రోజుల వరకు పనికి వస్తుంది. దాన్ని మళ్లీ యథాస్థానికి తీసుకురావచ్చు. మీరు నమ్మినా నమ్మకపోయినా.. సైన్స్ అనేది పోస్టుమార్టం స్థితిలోకి వెళ్లిపోయింది. సైన్స్ చెబుతున్న దాని ప్రకారం.. మనిషి చనిపోయిన కొన్ని రోజుల తర్వాత సెల్స్ కుళ్లిపోతాయి. దాని ప్రకారం మనిషి చనిపోయిన తర్వాత కూడా మెదడును భద్రపరచవచ్చు. మెదడుకు రక్త ప్రసరణ ఆగిపోయినా.. ఆక్సిజన్ అందకపోయినా అది పాడవుతుంది. శరీరంలోని కణాలు పూర్తిగా పాడవనంత వరకు చనిపోయిన వ్యక్తిని.. ప్రాణాలతో తిరిగి తీసుకురావచ్చు. ఎక్ష్‌ట్రాకార్పోరియల్ మెంబ్రేన్ ఆక్షిజన్ ( ఈసీఎమ్ఓ) మిషిన్లు, కొన్ని మందులతో చనిపోయిన వారిని తిరిగి బతికించవచ్చు’ అని అన్నారు. కాగా, సెంట్రల్ అమెరికన్ కంట్రీ హోండురాస్ తీరానికి 40 మైళ్ల దూరంలో ఉన్న రోటన్ అనే చిన్న ద్వీపంలో మరణంపై పరిశోధనలు జరిగాయి. మినీసర్కిల్ అనే బయోటెక్ కంపెనీ మరణాన్ని జయించే ఇంజెక్షన్‌ను కనిపెట్టిందట. డీఎన్ఏ అణువులను మార్చి.. నేచురల్‌ సెల్ఫ్‌- రిపేరింగ్‌ మెకానిజంని ఈ ఇంజెక్షన్ యాక్టివేట్‌ చేస్తుందట. యవ్వనంగా ఉండటానికి ప్రతీ ఏటా 30 కోట్ల రూపాయలు ఖర్చు పెడుతున్న బ్రయాన్ జాన్సన్ ఈ ఇంజెక్షన్ తీసుకున్నాడట.

డీఎస్సీ-98 అభ్యర్థులను క్రమబద్ధీకరించాలి అంబాజీపేట: డీఎస్సీ-98 ఎంటీఎస్ అభ్యర్థులను క్రమబద్ధీకరించాలని ఆ ఫెడరేషన్ సభ్యులు ప్రభుత్వాన్ని కోరారు. ఈ మేరకు రాజమహేంద్రవరం ఆనం రోటరీ హాలులో జరిగిన కార్యక్రమంలో ఎమ్మెల్సీ పేరాబత్తుల రాజశే ఖరానికి వినతిపత్రం ఇచ్చినట్లు అధ్యక్షుడు చొల్లంగి కేశవకుమార్ సోమ వారం చెప్పారు. 12 నెలల జీతం బకాయిలు ఇవ్వాలని, ఉద్యోగ విరమణ కాలాన్ని 62 సంవత్సరాలకు పెంచాలని కోరారు. అనంతరం ఎమ్మెల్సీని ఘనంగా సత్కరించారు. ఎ.వి.కుమార్, ఎం.ప్రకాశ్, సూర్యకుమారి, లలిత కుమారి, నాగరాజు తదితరులు పాల్గొన్నారు.

March 2025 Salary మార్చి నెల జీతాలపై పూర్తి సమాచారం 📌 జీత బిల్లుల స్టేటస్ 2025 సిరీస్‌తో ఉన్న అన్ని జీత బిల్లులు సబ్మిట్ అయ్యాయి. అయితే, మార్చి 31 లోపు చెల్లింపు జరగదు, ఎందుకంటే కొత్త ఆర్థిక సంవత్సరానికి సంబంధించిన కేటాయింపులు ఏప్రిల్ 1 తర్వాత మాత్రమే ప్రారంభమవుతాయి. 📌 ముందుగా జీతాలు వచ్చే అవకాశం లేదా? గతంలో, ముఖ్యంగా పండగల సందర్భాలలో ముందుగానే జీతాలు విడుదల చేసిన సందర్భాలు ఉన్నాయి. కానీ ఈసారి మార్చి నెలలో అలాంటి అవకాశం లేదు, ఎందుకంటే కొత్త ఆర్థిక సంవత్సరపు కేటాయింపులను ముందుగా వినియోగించలేము. 📌 ఏప్రిల్ 1న జీతాలు రావా? ఏప్రిల్ 1న RTGS/NEFT లావాదేవీలు పనిచేయవు. అదనంగా, CFMS (Comprehensive Financial Management System) ను కొత్త బడ్జెట్ ప్రకారం సిద్ధం చేయాలి, దీనికి కొంత సమయం పడుతుంది. కాబట్టి ఏప్రిల్ 1న జీతాలు రావడం అసాధ్యం. 📌 ఏప్రిల్ 2న జీతాలు వస్తాయా? ఏప్రిల్ 2న CFMS సిద్ధంగా ఉంటే మాత్రమే జీతాలు విడుదల చేసే అవకాశం ఉంటుంది. ప్రభుత్వ ఆదేశాలను బట్టి ఏప్రిల్ 2 లేదా 3న జీతాలు వచ్చే అవకాశముంది. 📌 ప్రభుత్వం స్పందన కొత్త ఆర్థిక సంవత్సరం ప్రారంభమయ్యే సమయానికి CFMS & బడ్జెట్ కేటాయింపులు అనుసరించి జీతాల విడుదలపై నిర్ణయం తీసుకుంటారు. ఏదైనా అధికారిక ప్రకటన వస్తే ప్రభుత్వ ఆర్థిక శాఖ లేదా CFMS వెబ్‌సైట్ ద్వారా సమాచారం అందుబాటులో ఉంటుంది. 💡 చివరి మాట: ✅ మార్చి 31లోపు జీత చెల్లింపు అసాధ్యం. ✅ ఏప్రిల్ 1న కూడా సాధ్యం కాదు (RTGS/NEFT & CFMS కారణంగా). ✅ ఏప్రిల్ 2న జీతాలు వచ్చే అవకాశం ఉన్నా, ప్రభుత్వ ఆదేశాలపై ఆధారపడి ఉంటుంది. ✅ అధికారిక సమాచారం కోసం ప్రభుత్వ ప్రకటనను గమనించాలి. జీతం బిల్లులు అన్ని 2025 సిరీస్ తోనే సబ్మిట్ అయ్యాయి. 2025 సిరీస్ తో ఉన్న ఏ బిల్లు కూడా మార్చి 31 లోపు పేమెంట్ కాదు. గతం లో నెల చివరి లో పండగ వచ్చినపుడు ముందుగానే జీతాలు క్రెడిట్ చేసిన సందర్భాలు ఉన్నాయి (ఈ ముఖ్యమంత్రి గారు ఉన్నప్పుడే) అయితే మిగిలిన నెలల్లో అలా కుదిరినట్లు మార్చి నెలలో సాధ్యం కాదు. ఎందుకంటే వచ్చే ఆర్థిక సంవత్సరం లో చేయాల్సిన ఖర్చును ముందు ఆర్ధిక సంవత్సరం లో చేయడం కుదరదు. మార్చి జీతాలు ఒకటవ తేదీన క్రెడిట్ కావడానికి కూడా ఎలాంటి అవకాశం ఉండదు. ఆ రోజు RTGS/NEFT పని చేయదు. అంతే కాకుండా కొత్త బడ్జెట్ కు అనుగుణంగా CFMS ను సిద్దం చేయాల్సి ఉంటుంది. దీనికి కొంత సమయం పడుతుంది. అందువల్ల ఈ నెల జీతాలు 2వ తేదీ క్రెడిట్ అయితే అది అద్భుతమే. అంచనా అయితే 3-5 మధ్యలో క్రెడిట్ కావడానికి అవకాశం ఉంది. మరిన్ని ముఖ్య వార్తలు ⬅️

ఓవ‌ర్ డ్రాఫ్ట్‌కు, వ్య‌క్తి గ‌త రుణాల‌కు మ‌ధ్య తేడా ఏంటీ? Overdraft, Personal Loan ఓవ‌ర్ డ్రాఫ్ట్, వ్య‌క్తిగ‌త రుణం రెండూ డ‌బ్బు అవ‌స‌ర‌మైన సంద‌ర్భాల్లో ఉప‌యోగ‌ప‌డ‌తాయి. అయితే ఈ రెండింటిలో ఏది మేలు అంటే మాత్రం అవ‌స‌ర‌మ‌య్యే మొత్తం, కాల‌ప‌రిమితి త‌దిత‌ర అంశాల‌పై ఆధార‌ప‌డి ఉంటుంది. ఓవ‌ర్ డ్రాఫ్ట్: ఖాతాదారులు త‌మ ఖాతాలో ఉండే మొత్తం కంటే ఎక్కువ మొత్తాన్ని ఉప‌సంహ‌రించుకోవ‌డాన్ని ఓవ‌ర్ డ్రాఫ్ట్ అంటారు. ఓవ‌ర్ డ్రాఫ్ట్ లో మీరు ఖాతా నుంచి విత్ డ్రా చేసే వ‌ర‌కు వ‌డ్డీ వ‌సూలు చేయ‌రు. మీరు తీసుకున్న అధిక మొత్తంపై మాత్ర‌మే వ‌డ్డీ చెల్లించ‌వ‌ల‌సి వుంటుంది. ప్ర‌ధాన మంత్రి జ‌న్‌ధ‌న్ యోజ‌న ఖాతాల‌కు ఓవ‌ర్ డ్రాఫ్ట్ ప్ర‌యోజ‌నాల‌ను రూ. 5000 నుంచి రూ. 10,000 ల‌కు పెంచుతున్న‌ట్లు ప్ర‌భ్వుత్వం ప్ర‌క‌టించింది. అయితే వ్య‌క్తి గ‌త రుణాలు, క్రెడిట్ కార్డుల గురించి తెలిసినంత‌గా ఓవ‌ర్ డ్రాఫ్ట్ గురించి చాలా మందికి తెలియదు. కొద్ది మందికి మాత్ర‌మే దీని గురించి స‌రియైన అవ‌గాహ‌న వుంది. ఓవ‌ర్ డ్రాఫ్ట్‌ని స్వ‌ల్స‌కాలిక రుణంగా భావించ‌వ‌చ్చు. ఓవ‌ర్ డ్రాఫ్ట్ ప్ర‌యోజ‌నాల‌తో కూడిన సేవింగ్ ఖాతా క‌లిగిన వ్య‌క్తి, ఆ ఖాతా జీరో బ్యాల‌న్స్ స్థితికి చేరుకున్న త‌రువాత కూడా కొంత ప‌రిమితి వ‌ర‌కు విత్ డ్రా చేసుకోవ‌డానికి బ్యాంకులు అనుమ‌తిస్తాయి. ఉదాహార‌ణ‌కు మీ ఓవ‌ర్ డ్రాఫ్ట్ ఫెసిలిటీ రూ. 50,000 అనుకుందాం. ప్ర‌స్తుతం మీ సేవింగ్స్ ఖాతాలో రూ. 1,00,000 వున్నాయి అనుకుంటే మీరు రూ. 1,50,000 వ‌రకు విత్ డ్రా చేసుకోవ‌చ్చు. సాధార‌ణంగా ఓవ‌ర్ డ్రాఫ్టు స‌దుపాయం సేవింగ్స్ బ్యాంకు ఖాతాల‌పై ఉండ‌దు. కొన్ని బ్యాంకులు శాల‌రీ ఖాతా క‌లిగిన వినియోగ‌దారుల‌కు వారి వ్య‌క్తి గ‌త క్రెడిట్ ప్రొఫైల్‌ను, వారు ప‌నిచేసే కంపెనీ ఆధారంగా, వ్యాపార‌స్తుల‌కు వారి వారి క్రెడిట్ ప్రొఫైల్ ఆధారంగా ఓవ‌ర్ డ్రాఫ్ట్ ప్ర‌యోజ‌నాల‌ను అందిస్తున్నాయి. బ్యాంకులో ఫిక్సిడ్ డిపాజిట్లు క‌లిగిన వారికి కూడా ఇది అందుబాటులో ఉంటుంది. ఎఫ్‌డీ విలువ కంటే త‌క్కువ ఓవ‌ర్ డ్రాఫ్ట్ ల‌భిస్తుంది. ఎఫ్‌డీపై వ‌చ్చే వ‌డ్డీ కంటే అధిక వ‌డ్డీ చెల్లించవ‌ల‌సి వుంటుంది. వ‌డ్డీ రేటు వ్య‌క్తిగ‌త రుణంపై విధించే వ‌డ్డీ రేటుతో స‌మానంగా గాని, ఎక్కువ‌గా గాని వుంటుంది. మీ అర్హ‌తను బ‌ట్టి నిర్ధిష్ట స‌మ‌యంలో తిరిగి చెల్లించ‌వ‌ల‌సి వుంటుంది. వ్య‌క్తిగ‌త రుణాల్లో తిరిగి చెల్లించేందుకు ఈఎమ్ఐ ఆప్ష‌న్ ఉంటుంది. ఓవ‌ర్ డ్రాఫ్ట్ ఫెసిలిటీ, వ్య‌క్తిగ‌త రుణం కంటే ఏవిధంగా భిన్నం? మీరు వ్య‌క్తి గ‌త రుణం కోసం బ్యాంకులో ద‌ర‌ఖాస్తు చేసుకుంటే అది బ్యాంకు వారు ఆమోదించి మీ ఖాతాలో జ‌మ చేసిన నాటి నుంచి మొత్తం రుణంపై వ‌డ్డీ చెల్లించాల్సి వుంటుంది. ఉదాహ‌ర‌ణ‌కు మీరు రూ.50,000 వ్యక్తి గ‌త రుణం తీసుకున్నార‌నుకుందాం. ఒక వేళ మీరు ఆ మొత్తాన్ని విత్ డ్రా చేయ‌క‌పోయినా, ఆ మొత్తం మీ ఖాతాలో జ‌మ అయిన నాటి నుంచి మీరు తిరిగి రుణం చెల్లించే వ‌ర‌కు వడ్డీ చెల్లించవ‌ల‌సి వుంటుంది. ఓవ‌ర్ డ్రాఫ్ట్ విష‌యానికి వ‌స్తే మీరు విత్ డ్రా చేసిన నాటి నుండి వినియోగించిన మొత్తం పై మాత్ర‌మే వ‌డ్డీ చెల్లించ‌వ‌ల‌సి వుంటుంది. ఉదాహ‌ర‌ణ‌కి మీ ఓవ‌ర్ డ్రాప్ట్ లిమిట్ రూ. 50,000 అనుకుందాం. రూ.25,000 విత్ డ్రా చేస్తే మీరు విత్ డ్రా చేసిన రూ.25,000 మీద వ‌డ్డీ చెల్లించ‌వ‌ల‌సి వుంటుంది. మొత్తం రూ. 50,000 మీద వ‌డ్డీ చెల్లించ‌వ‌ల‌సిన అవ‌స‌రం లేదు. అయితే క్రెడిట్ కార్డు మాదిరిగా దీనికి గ్రేస్ పిరియ‌డ్ వుండ‌దు. తీసుకున్న నాటి నుంచి వ‌డ్డీ చెల్లించాలి. ఓవ‌ర్ డ్రాఫ్ట్ల్‌లో ల‌భించే మొత్తం వ్య‌క్తిగ‌త రుణం కంటే త‌క్కువ, ప‌రిమిత కాల‌నికి మాత్ర‌మే ల‌భిస్తుంది. ఒక‌వేళ మీరు అధిక రుణం ఎక్కువ కాల‌ప‌రిమితితో కావాలి అనుకుంటే వ్య‌క్తిగ‌త‌ రుణం తీసుకోవ‌డం మంచిది. 👉 మరిన్ని ఆసక్తికరమైన, ఉపయోగకరమైన వార్తలు-విశేషాలు చదవండి 👈

SCERT సంస్కరణలు – కొత్త మూల్యాంకన విధానం & ఉపాధ్యాయుల శిక్షణపై సమగ్ర వివరాలు 1. ఉపాధ్యాయుల హ్యాండ్‌బుక్ – బోధనా నైపుణ్యాల పెంపు ● NCF 2023 (National Curriculum Framework) కు అనుగుణంగా Teacher Handbook రూపొందింపు. ● విషయానుసారమైన మార్గదర్శకాలు అందించి, ఉపాధ్యాయుల నైపుణ్యాలను పెంపొందించడానికి ఉద్దేశించినది. ● పాఠ ప్రణాళికలు, బోధనా వ్యూహాలు, స్వీయ-పరిశీలన టూల్స్ అందించబడతాయి. ● QR కోడ్ ఆధారిత విద్యా వనరులు ద్వారా సాక్ష్యాధార విద్యాభ్యాసాన్ని ప్రోత్సహించడం. 2. విద్యార్థుల మూల్యాంకన బుక్‌లెట్ – శాస్త్రీయమైన అంచనా విధానం తరగతి & అంశాల వారీగా ప్రత్యేక మూల్యాంకన పుస్తకాలు విద్యార్థులకు ఇవ్వబడతాయి. ఫార్మేటివ్ & సమ్మేటివ్ అసెస్‌మెంట్లలో సమాధానాలను నిర్దేశించిన ప్రదేశంలో మాత్రమే వ్రాయాలి. ఫార్మేటివ్ అసెస్‌మెంట్ (FA) లో నాలుగు అంశాలు ఉంటాయి: ● విద్యార్థుల సమాధానాలు ●లిఖిత పద్ధతిలో సమాధానాలు ● ప్రాజెక్ట్ వర్క్ ●రాత పరీక్ష ఆబ్జెక్టివ్ ప్రశ్నలకు విద్యార్థులు OCR షీట్లో టిక్ చేయాలి . ● ఉపాధ్యాయులు విద్యార్థుల సమాధానాలను అంచనా వేసి, బ్రాకెట్‌లో మార్కులు నమోదు చేయాలి. ● OCR షీటును స్కాన్ చేసి, విద్యాశాఖ అందించిన మొబైల్ యాప్ ద్వారా అప్‌లోడ్ చేయాలి. ● అంతిమంగా, విద్యార్థులకు హోలిస్టిక్ ప్రోగ్రెస్ కార్డ్ అందజేయబడుతుంది. 3. ప్రాథమిక తరగతుల (గ్రేడ్ 1 & 2) నైపుణ్యాల మూల్యాంకనం ● ప్రతి సబ్జెక్టుకు నాలుగు కీలక నైపుణ్యాలపై విద్యార్థులను అంచనా వేస్తారు. ● ప్రతి నైపుణ్యం 5 మార్కులు, మొత్తం 20 మార్కులు. తెలుగు & ఇంగ్లీష్: ● వినడం – 5M ● రాయడం – 5M ●చదవడం – 5M ● పదజాలం – 5M గణితం: ● ప్యాటర్న్ గుర్తింపు – 5M ●ప్రారంభ కొలతలు (Pre-Measurement) – 5M ●సంఖ్యలను గుర్తించడం – 5M ●సంఖ్యా గణిత ప్రక్రియలు – 5M 4. మౌలిక విలువల బోధనకు ప్రాధాన్యం ● నైతిక విలువలు, లింగ సమానత్వం & రాజ్యాంగ విలువలు పాఠ్యాంశంలో భాగంగా చేర్చబడ్డాయి. ●సమగ్ర అభ్యాసం & నైతికత పెంపు లక్ష్యంగా రూపొందించబడింది. SCERT సంస్కరణల ప్రభావం ● శాస్త్రీయ మూల్యాంకన విధానం, విద్యార్థుల అభ్యాసానికి మెరుగైన అనుభవం. ●ఉపాధ్యాయులకు ప్రత్యేకమైన మార్గదర్శకాలు, బోధనా నైపుణ్యం పెంపు. ● OCR స్కానింగ్ ఆధారంగా డేటా-డ్రివెన్ అసెస్‌మెంట్, అంచనా ప్రక్రియలో పారదర్శకత. ● నైపుణ్యాల ఆధారిత మూల్యాంకనం, విద్యార్థుల ప్రాథమిక సామర్థ్యాల అభివృద్ధి.

ఏపీ టీచర్స్ టీవీ:30.3.25 ఎస్సీఈఆర్టీ కార్యాలయం నూతన భవనంలోకి మార్పు:ఆంధ్రప్రదేశ్ ప్రభుత్వం పాఠశాల విద్యాశాఖ విజయవాడలో మహానాడు రోడ్డులో ఉండే ఎస్సీఈఆర్టీ కార్యాలయం ఆదివారం గుంటూరు జిల్లా మంగళగిరి మండలం ఆత్మకూరులో నూతన భవనంలోకి మార్చినట్లు ఎస్సీఈఆర్టీ డైరెక్టర్ శ్రీ ఎం.వి.కృష్ణా రెడ్డి గారు ఒక ప్రకటనలో తెలిపారు. ఇక నుండి డైరెక్టర్, స్టేట్ కౌన్సిల్ ఆఫ్ ఎడ్యుకేషనల్ రీసెర్చ్ & ట్రైనింగ్ (SCERT), డోర్ . నం. 398/3, శ్రీ నిలయం, ముసునూరి డెవలపర్స్, విద్యాభవన్ పక్కన, ఆత్మకూరు, మంగళగిరి(M), గుంటూరు జిల్లా, ఆంధ్రప్రదేశ్.-522503 చిరునామాలో సేవలందిస్తోందని‌ ఎస్సీఈఆర్టీ డైరెక్టర్ తెలిపారు. ఈ మార్పును విద్యాశాఖ అధికారులు, ఉపాధ్యాయులు, ఉద్యోగులు, విద్యార్థినీ విద్యార్థుల తల్లిదండ్రులు, ప్రజలందరూ గమనించాలని విజ్ఞప్తి చేశారు. ఎస్సీఈఆర్టీ సంస్థలో కరికులం డిజైన్ వర్క్ జరుగుతుంది అలాగే పాఠ్యపుస్తకాల రచన కూర్పు సవరణలు ముద్రణ జరుగుతాయి. ఎస్సీఈఆర్టీ నుంచి ప్రత్యక్షంగాను ఆన్లైన్లోనూ అధికారులకు ఉపాధ్యాయులకు శిక్షణలు జరుగుతూ ఉంటాయి. అలాగే ఎప్పటికప్పుడు పాఠశాలలకు తగిన మార్గదర్శకాలు విడుదలవుతూ ఉంటాయి. సిలబస్ వర్గీకరణ సిలబస్ టైం లైన్ పరీక్షల నిర్వహణ విధానం విద్యార్థుల సామర్ధ్యాలకు సంబంధించిన కార్యక్రమాలు తదితర కార్యకలాపాలు ఈ సంస్థ నుంచి పర్యవేక్షణ చేస్తారు. విద్యారంగంలో వస్తున్న కాలానుగుణ మార్పులకు అనుగుణంగా ఎప్పటికప్పుడు పరిశోధనలు చేస్తూ సరికొత్త ప్రణాళికలు, విధానాలను రూపొందించి విద్యాశాఖలో ప్రవేశపెట్టి అమలు తీరును మానిటరింగ్ చేస్తూ ఉంటారు. ఈ సంస్థ ముఖ్య ఉద్దేశ్యం విద్యా పరిశోధన మరియు ఎప్పటికప్పుడు ఉపాధ్యాయ శిక్షణలు నిర్వహించడం. ఈ సంస్థ యొక్క భవనం మంగళగిరిలోని కొత్త అడ్రస్ కి మారిన విషయం ప్రజలందరూ గమనించవలసినదిగా ఎస్సీఈఆర్టీ డైరెక్టర్ ఎం.వి.కృష్ణారెడ్డి కోరుతున్నారు.

మా పాఠకులకు విశ్వావసు నామ ఉగాది శుభాకాంక్షలు 🎉 ఈ ఏడాది ఏ రాశివారికి ఎలాంటి ఫలితం ఉంటుందంటే. ఆదాయం: 2; వ్యయం: 14 రాజపూజ్యం: 5; అవమానం: 7 అదృష్టయోగం 75 శాతం మేర ఉంది. శుభాలు చేకూరతాయి. అనుకున్నది సాధిస్తారు. ఆదాయం బావుంటుంది. అంతకు చాలా రెట్లు వ్యయాలూ ఉంటాయి. కాబట్టి, జాగ్రత్తగా ఖర్చు చేయాలి. పొదుపు- మదుపు అవసరాన్ని తెలుసుకోవాలి. సమాజంలో గుర్తింపు లభిస్తుంది. మీ ప్రతిభను చిన్నచూపు చూసేవారూ ఉన్నారు. మానవ సంబంధాల విషయంలో సున్నితంగా వ్యవహరించాలి. ప్రేమగా సంభాషించాలి. అభీష్ట సిద్ధి కలుగుతుంది. వృత్తి, ఉద్యోగ, వ్యాపారాల్లో ఆశించిన ఫలితాలు అందుతాయి. గురువు ద్వితీయ స్థానంలో ఉన్న సమయంలో రాబడికి ఇబ్బంది ఉండదు. కుటుంబ జీవితం సంతోషంగా సాగుతుంది. కాకపోతే, ఈ ఏడాది రెండో భాగంలో గురుబలం తక్కువగా ఉంది. దీంతో, కొద్దిపాటి సమస్యలు ఎదురుకావచ్చు. ఉద్యోగులకు ఆకస్మిక బదిలీలూ, వ్యాపారులకు అనుకోని అవాంతరాలూ ఎదురుకావచ్చు. బుద్ధిబలంతో వాటిని అధిగమించాలి. మేషరాశి వారికి ఏలినాటి శని ఇప్పుడే మొదలైంది. ఆ ప్రభావం రకరకాలుగా ఉంటుంది. లక్ష్య సాధనలో ఆటంకాలు ఎదురు కాకుండా తగిన చర్యలు తీసుకోవాలి. బంధుమిత్రుల విషయంలో అపార్థాలకు ఆస్కారం ఇవ్వకండి. ఆత్మీయులతో విభేదాలు రాకుండా చూసుకోండి. ఆరోగ్యం జాగ్రత్త. ఈ రాశిలోని విద్యార్థులు పరీక్షల్లో ఘన విజయాలు సాధిస్తారు.  రాహువు ఏకాదశంలో ఉన్నప్పుడు అనూహ్యమైన సంపదలు సమకూరుతాయి. పంచమ కేతువులో ఖర్చులు ఆదాయానికి మించిపోతాయి. ఇష్టదైవాన్ని స్మరించుకోవాలి. నవగ్రహ స్తోత్రాలు జపించాలి. ఈ రాశివారి అదృష్ట సంఖ్య 9, కలిసొచ్చే వారం - ఆదివారం, రంగులు - ఎరుపు, గులాబీ. అదృష్ట దైవం సూర్యుడు. ఆదాయం: 11; వ్యయం: 5 రాజపూజ్యం: 1; అవమానం: 3 ఉత్తమకాలం నడుస్తోంది. నూటికి నూరుశాతం అదృష్టయోగం ఉంది. ఆర్థిక ప్రయోజనాలు సిద్ధిస్తాయి. సకాలంలో బాధ్యతలు నిర్వర్తించడం ద్వారా, నలుగురిలో గుర్తింపును పొందుతారు. ఖర్చులు తక్కువగా ఉంటాయి. ఇబ్బందులు తొలగిపోతాయి. చేపట్టిన పనులన్నీ కొలిక్కి వస్తాయి. ఆకాంక్షల్ని నిజం చేసుకుంటారు. ఆశయాలు కార్యరూపం ధరిస్తాయి. దశమ స్థానంలో రాహువు వల్ల ఉద్యోగంలో పదోన్నతులు వరిస్తాయి. ఈ ఏడాది రెండో భాగంలో మంచి ఫలితాలు ఉంటాయి. గురుబలం అనుకూలిస్తుంది. శుభకార్యాలు చేపడతారు. ఏకాదశంలో శని సంచారం కారణంగా అన్ని విధాలుగా మేలు జరుగుతుంది. అభీష్ట సిద్ధి ఉంది. సంపదలు పెరుగుతాయి. గౌరవం ఇనుమడిస్తుంది. వృత్తి నైపుణ్యాన్ని పెంచుకుంటారు. స్తోమతకు మించిన ఖర్చులు చేయకండి. అపాత్రదానం వల్ల కష్టార్జితం వృథా అవుతుంది. విద్యార్థులు ఉత్తమ ఫలితాలు సాధిస్తారు. ఏకాగ్రతతో అగ్రస్థానానికి చేరుకుంటారు. వృత్తి ఉద్యోగాల్లో  ప్రతిభావంతులను కొత్త అవకాశాలు వరిస్తాయి. వ్యాపారులు తమ కార్యకలాపాల విస్తరణకు అనుకూలమైన సమయం. దీర్ఘకాలిక పెట్టుబడులు లాభాలను కురిపిస్తాయి. స్థిరాస్తులు వృద్ధి చెందుతాయి శని సానుకూల ప్రభావంతో ఘన విజయం వరిస్తుంది. ఎంతోకాలం నుంచీ వేధిస్తున్న సమస్యలు ఈ ఏడాది పరిష్కారం అవుతాయి. ఆధ్యాత్మిక చింతన పెంచుకోవాలి. కుటుంబానికి సమయం కేటాయించాలి. ఆరోగ్యం పట్ల జాగ్రత్తలు తీసుకోవాలి. ఇష్టదైవాన్ని ప్రార్థించాలి.  ఈ రాశివారి అదృష్ట సంఖ్య 6, కలిసొచ్చే వారం - బుధవారం, రంగులు - తెలుపు, ఆకుపచ్చ. అదృష్ట దైవం విష్ణుమూర్తి. ఆదాయం: 14; వ్యయం: 2; రాజపూజ్యం: 4; అవమానం: 3 ఆదాయం సమృద్ధిగా ఉంటుంది. ఆర్థిక సమస్యలు బాధించవు. అదృష్టయోగం 75 శాతం మేర ఉంది. సమాజంలో కీర్తిప్రతిష్ఠలు పెరుగుతాయి. అక్టోబరు నుంచి డిసెంబరు తొలివారం వరకూ గురుబలం అపారం. ఆ ప్రభావం శుభాలను ప్రసాదిస్తుంది. ధన స్థానంలో గురువు ఉత్తమ భవిష్యత్తును ప్రసాదిస్తాడు. కాకపోతే, సెప్టెంబరు దాకా గురుబలం సహకరించదు. అందుకే, ప్రతి అడుగూ జాగ్రత్తగా వేయాలి. ముఖ్యమైన పనుల్లో మరింత శ్రద్ధ అవసరం. ఆర్థిక ఇబ్బందులు ఎదురు కాకుండా ముందస్తు ఏర్పాట్లు చేసుకోవాలి. మానవ సంబంధాల విషయంలో నిర్లక్ష్యం వద్దు. ఆచితూచి మాట్లాడాలి. దశమంలో శని కారణంగా వృత్తి, ఉద్యోగ, వ్యాపారాల్లో అవరోధాలు ఎదురుకావచ్చు. కాబట్టి, ఎరుకతో విధులు నిర్వర్తించాలి. వివాదాలకు దూరంగా ఉండాలి. రాహువు దశమంలో అనేక లాభాలను ప్రసాదిస్తాడు. కాకపోతే, నవమంలో నష్టాలు ఎదురుకావచ్చు. వాటిని అధిగమించడానికి ఆధ్యాత్మిక సంపత్తి అవసరం. పుణ్యక్షేత్రాలను సందర్శించండి. పూజాదికాలకు సమయం కేటాయించండి. వృత్తి ఉద్యోగాల్లో కొత్త అవకాశాలు తలుపుతడతాయి. సాంకేతిక రంగంలో ఉపాధి అవకాశాలు మెరుగుపడతాయి. వ్యాపారంలో బుద్ధిబలం అవసరం. ఓ లావాదేవీలో తక్కువ శ్రమతో ఎక్కువ లాభం పొందుతారు. అనూహ్యమైన ఆర్థిక విజయం వరిస్తుంది. విద్యార్థులకు కష్టానికి తగిన ఫలితాలు అందుతాయి. ఈ ఏడాది గురువు శుభదృష్టితో భారీ లక్ష్యాలను సాధిస్తారు. ప్రయాణాల్లో జాగ్రత్తగా ఉండాలి. వాహనాల వేగానికి పరిమితి అవసరం. ఆత్మీయుల మనసు కష్టపెట్టొద్దు. శని ప్రభావాన్ని తగ్గించుకోడానికి, శనిగ్రహ శ్లోకం చదువుకోవాలి. ఈ రాశివారి అదృష్ట సంఖ్య 5, కలిసొచ్చే వారం - శుక్రవారం, రంగులు - తెలుపు, ఆకుపచ్చ. అదృష్ట దైవం లక్ష్మీదేవి. ఆదాయం: 8; వ్యయం: 2; రాజపూజ్యం: 7; అవమానం: 3 ఆదాయం వృద్ధి చెందుతుంది. ఖర్చులు తక్కువగా ఉంటాయి. అదృష్టయోగం యాభైశాతం మేర ఉంది. మిగిలిన సగాన్నీ ఆత్మబలంతో సొంతం చేసుకోవచ్చు. సమాజంలో గౌరవం లభిస్తుంది.  ఒకట్రెండు అవమానాలూ ఉంటాయి. ముఖ్యమైన పనులను ప్రణాళిక ప్రకారం ప్రారంభించండి. ప్రతి ప్రయత్నంలోనూ సంతృప్తికరమైన ఫలితాలు సాధిస్తారు. అభీష్టసిద్ధి కలుగుతుంది. సంవత్సరంలోని తొలిభాగంలో ఏకాదశ బృహస్పతి శుభ ఫలితాలను ప్రసాదిస్తాడు, వరుస విజయాలను అందిస్తాడు. భవిష్యత్తుకు సంబంధించిన నిర్ణయాలు తీసుకోడానికి ఇదే సరైన సమయం. అందివచ్చిన అవకాశాల్ని సద్వినియోగం చేసుకోవాలి. మే 14 తర్వాత గురుబలం తగ్గుతుంది. కాబట్టి, విధి నిర్వహణలో ఏకాగ్రత పెంచుకోవాలి. ఎట్టి పరిస్థితుల్లోనూ అశ్రద్ధ వద్దు. నిర్లిప్తత అసలు పనికిరాదు. సంపూర్ణ బాధ్యతతో లక్ష్యాలను పూర్తి చేయండి. ఒంటరి పోరాటంతో ఉపయోగం లేదు. నలుగురితో కలిసి ముందుకెళ్లండి. వృత్తి నైపుణ్యానికి పదును పెట్టుకోవాలి. శని, రాహువు పెద్దగా సహకరించడం లేదు. ఏ విషయాన్నీ మనసులోకి తీసుకోవద్దు. ఆత్మీయులతో విభేదాలకు ఆస్కారం ఉంది. ఆలోచనల్లో అస్థిరత్వం వద్దు. ఉత్తరార్ధంలో ఆర్థిక ఇబ్బందులు ఎదురుకావచ్చు. ఆరంభంలోనే ముందుజాగ్రత్త చర్యలు తీసుకోవడం మేలు. వృథా ఖర్చులను పరిహరించండి. జూదాల జోలికి వెళ్లకండి. స్థిరాస్తులను జాగ్రత్తగా కాపాడుకోండి. ముఖ్య నిర్ణయాల విషయంలో స్థిరంగా వ్యవహరించండి. బుద్ధిబలానికి ప్రాధాన్యం ఇవ్వండి. మంచిచెడుల బేరీజు సమయంలో అంతరాత్మ ప్రబోధానికి కట్టుబడి ఉండండి. విద్యార్థులు మెరుగైన ఫలితాలు సాధిస్తారు. వృత్తి ఉద్యోగాల్లో స్థిరమైన ప్రగతి ఉంటుంది. ఆశయాలు నెరవేరతాయి. వ్యాపారాన్ని విస్తరిస్తారు. ఈ రాశివారు శని, రాహువులు సృష్టించే ఇబ్బందులను   ఆత్మస్థైర్యంతో అధిగమించాలి. పరమాత్మ ధ్యానాన్ని దినచర్యలో భాగం చేసుకోవాలి. అనవసర ప్రయాణాలను వాయిదా వేసుకోవాలి. పేదలకు అన్నదానం, వస్త్రదానం చేయాలి. అనుకూల ఫలితాల కోసం శని, రాహువు స్తోత్రాలు పఠించాలి. సుబ్రహ్మణ్యేశ్వరుడిని పూజించాలి.    ఈ రాశివారి అదృష్ట సంఖ్య 2, కలిసొచ్చే వారం - మంగళవారం, రంగులు - తెలుపు, ఎరుపు. అదృష్ట దైవం సుబ్రహ్మణ్యేశ్వరుడు. ఆదాయం: 11; వ్యయం: 11 రాజపూజ్యం: 3; అవమానం: 6 ఆదాయం బావుంటుంది. దాంతోపాటే ఖర్చులూ ఉంటాయి. అదృష్టయోగం పావు శాతం మాత్రమే ఉంది. అయినా, నిరాశపడాల్సిన పన్లేదు. ఆత్మబలంతో సవాళ్లను అధిగమించవచ్చు. భూ, గృహ, వాహనాది యోగాలు ఉన్నాయి. స్థిర-చరాస్తులు వృద్ధి చెందుతాయి. ఈ ఏడాది రాజపూజ్యం కంటే అవమానమే అధికం. ఎరుకతో వ్యవహరించడం ద్వారా ఆ ప్రభావాన్ని తగ్గించుకోవచ్చు. సాధ్యమైనంత వరకూ వివాదాలకు దూరంగా ఉండాలి. శాంతంగా సంభాషిస్తూ లక్ష్యాలను పూర్తి చేసుకోవాలి. సంవత్సర ఆరంభంలో గురుబలం తక్కువగా ఉన్నా, మే 14 నుంచి ఏకాదశ స్థానంలోని గురువు తిరుగులేని విజయాలను ప్రసాదిస్తాడు. జీవిత లక్ష్యాలు నెరవేరతాయి. పిల్లల విషయంలో శుభ ఫలితాలు ఉన్నాయి. చక్కగా వృద్ధిలోకి వస్తారు. కొత్త ప్రయత్నాలు అనూహ్యమైన లాభాలను అందిస్తాయి. సమాజంలో గౌరవం లభిస్తుంది. అక్టోబరు 18 నుంచి డిసెంబరు 5 వరకూ మరింత ఏకాగ్రతతో పనిచేయాలి. ఆస్తిపాస్తుల విషయంలో జాగ్రత్తగా ఉండాలి. కోర్టు వ్యాజ్యాలకు ఆస్కారం ఉంది. సింహరాశి వారికి అష్టమ శని మొదలైంది. శని అష్టమంలో ఉండటం వల్ల బంధాల విషయంలో చిన్నపాటి సమస్యలు తలెత్తవచ్చు. స్నేహాలు దెబ్బతినే ప్రమాదం ఉంది. ప్రతి విషయాన్నీ లోతుగా ఆలోచించి మానసిక ఒత్తిడికి గురి కావద్దు. ఆరోగ్యాన్ని కాపాడుకోవాలి. రాహుకేతువులు సహకరించడం లేదు కాబట్టి, ఆలోచనలు పక్కదారి పట్టకుండా జాగ్రత్త పడాలి. తీవ్ర నష్టాలు జరగకుండా చర్యలు తీసుకోవాలి. విద్యార్థులు మేలైన ఫలితాలు సాధిస్తారు. ఉద్యోగంలో స్థిరత్వం ఉంది. వ్యాపారంలో అస్థిరత తొలగుతుంది. శని, రాహు-కేతు శ్లోకాలు చదువుకోవాలి. ఈ రాశివారి అదృష్ట సంఖ్య 1, కలిసొచ్చే వారం - గురువారం, రంగులు - గులాబీ, పసుపు. అదృష్ట దైవం శివుడు. ఆదాయం: 14; వ్యయం: 2 రాజపూజ్యం: 6; అవమానం: 6 పరిపూర్ణమైన అదృష్టయోగం ఉంది. అనుకూల ఫలితాలు ఉంటాయి. గణనీయమైన ఆదాయం లభిస్తుంది. ఖర్చులు మాత్రం అత్యల్పం. తిరుగులేని లాభాలను గడిస్తారు. కాకపోతే, ఆ సంపాదనను పొదుపు-మదుపు రూపంలో భద్రపరచాలి. భవిష్యత్తు అవసరాలకు ఉపయోగించాలి. సమాజంలో కీర్తిప్రతిష్ఠలు లభిస్తాయి. భాగ్య బృహస్పతి యోగం సకల శుభదాయకం. స్వల్ప ప్రయత్నంతోనే విజయాలు సాధిస్తారు. రేపటి అవసరాలకు అనుగుణంగా వృత్తి నైపుణ్యాన్ని పెంచుకోవాలి. మే 14 నుంచి అక్టోబరు వరకూ ఉద్యోగపరంగా జాగ్రత్తగా ఉండాల్సిన సమయం. విధి నిర్వహణలో మరింత శ్రద్ధ అవసరం. సకాలంలో బాధ్యతలనూ, లక్ష్యాలనూ పూర్తి చేయాలి. ఏకాదశంలో గురువు మనోవాంఛల్ని నెరవేరుస్తాడు. శని సప్తమ స్థానంలో ఉన్నప్పుడు ప్రయాణాల్లో జాగ్రత్తగా ఉండాలి. ప్రమాదాలను పరిహరించాలి. రాహువు సప్తమంలో కొన్ని ఇబ్బందులు సృష్టించినా, షష్ఠ స్థానంలో మాత్రం శుభాన్ని ఇస్తాడు. కేతువు పెద్దగా సహకరించకపోవచ్చు. ఆధ్యాత్మిక బలం కోసం పరమాత్మను ధ్యానించాలి. పిల్లల ఎదుగుదల సంతోషాన్ని కలిగిస్తుంది. విద్యార్థులు ప్రతిష్ఠాత్మక విద్యాసంస్థల్లో ప్రవేశం పొందుతారు. ఉద్యోగులకు గుర్తింపు లభిస్తుంది. యాజమాన్యాల ప్రశంసలు అందుకుంటారు. వ్యాపారులు తమ కార్యకలాపాల్ని నలుదిక్కులకూ విస్తరిస్తారు. క్రమశిక్షణ, మనోబలం చాలా అవసరం. ఆలోచనలు దారితప్పకుండా చూసుకోవాలి. గ్రహయోగం సంపూర్ణంగా ఉండటం వల్ల, ప్రత్యేకమైన శాంతులు అవసరం లేదు. కానీ, ప్రత్యేక సందర్భాల్లో ఆలయాల్ని సందర్శించాలి. ఇష్టదైవాన్ని ప్రార్థించాలి. ఈ రాశివారి అదృష్ట సంఖ్య 5, కలిసొచ్చే వారం - శనివారం, రంగులు - ఆకుపచ్చ, నీలం. అదృష్ట దైవం శివుడు. ఆదాయం: 11; వ్యయం: 5 రాజపూజ్యం: 2; అవమానం: 2 ఆదాయం బావుంటుంది. నూటికి నూరుశాతం అదృష్టయోగం ఉంది. ఆర్థిక ప్రగతిని సాధిస్తారు. కృషికి తగిన ఫలితం లభిస్తుంది. ఖర్చులు అదుపులో ఉంటాయి. ధర్మబద్ధంగా పనిచేయడం ద్వారా సమాజంలో పేరుప్రతిష్ఠలు సంపాదిస్తారు. వరుస విజయాలు సాధిస్తారు. సునాయాసంగా లక్ష్యాలను పూర్తి చేస్తారు. కుటుంబ జీవితం సంతృప్తికరంగా సాగుతుంది. భూ, గృహ, వాహన యోగాలు ఉన్నాయి. ఇంట్లో శుభకార్యాలు జరుగుతాయి. మే 14 నుంచి గురుగ్రహం అపారమైన భాగ్యాన్నీ, అనంతమైన అదృష్టాన్నీ ప్రసాదిస్తుంది. చక్కని ప్రణాళిక ద్వారా విజయాలు వరిస్తాయి. ఏకాగ్రతతో ఉద్యోగ జీవితంలో ప్రగతిని సాధిస్తారు. షష్ఠమ స్థానంలో శని విజయాన్నీ, సౌఖ్యాన్నీ ప్రసాదిస్తాడు. అదే స్థానంలో రాహువు అభీష్ట సిద్ధినిస్తాడు. కానీ, ఆ రాహువు పంచమ స్థానంలో ఉన్నప్పుడు, ఆర్థిక నష్టం కలగకుండా జాగ్రత్త పడాలి. కేతువు వల్ల ద్వాదశ స్థానంలో వ్యయాలు ఉన్నా, ఏకాదశ స్థానంలో సౌభాగ్యం సిద్ధిస్తుంది. విద్యార్థులు ఉత్తమ ఫలితాలతో, పోటీ పరీక్షల్లో అగ్రస్థానంలో నిలుస్తారు. నిపుణులు వృత్తి జీవితంలో ఉన్నత స్థానానికి చేరుకుంటారు. కొత్త ప్రయత్నాలకూ, సృజనాత్మక ప్రయోగాలకూ అనువైన సమయం. ఉద్యోగులు పదోన్నతులు సాధిస్తారు. ఆకర్షణీయమైన జీతభత్యాలు అందుకుంటారు. వ్యాపారులు లాభదాయకమైన ఒప్పందాలు కుదుర్చుకుంటారు. తీవ్ర పోటీని తట్టుకుని ప్రత్యర్థులపైన విజయం సాధిస్తారు. ప్రజా జీవితంలో ఉన్నవారిని గెలుపు వరిస్తుంది. సంపూర్ణ గ్రహ యోగం కారణంగా శాంతులూ, ప్రత్యేక పూజలూ అవసరం లేదు. ఇష్టదైవాన్ని పూజించాలి.   ఈ రాశివారి అదృష్ట సంఖ్య 6, కలిసొచ్చే వారం - శనివారం, రంగులు - ఎరుపు, పసుపుపచ్చ. అదృష్ట దైవం శివుడు. ఆదాయం: 2; వ్యయం: 14 రాజపూజ్యం: 5; అవమానం: 2 కొత్త అవకాశాలు తలుపు తడతాయి. అదృష్టయోగం పరిపూర్ణం.  ఆదాయం స్వల్పంగా ఉంటుంది. ఖర్చులు మాత్రం అధికం. గ్రహబలం పూర్తిగా సహకరిస్తున్నందున అవకాశాలు వెన్నంటి ఉంటాయి. అనవసరమైన ఖర్చుల్ని పరిహరించాలి. ఉన్నంతలో పొదుపు చేసుకోవాలి. కొత్త పెట్టుబడుల గురించి ఆలోచించాలి. అవమానం కంటే రాజపూజ్యమే అధికం. దీంతో సమాజంలో తగిన గుర్తింపును పొందుతారు. సప్తమ బృహస్పతి యోగం శుభాలను ప్రసాదిస్తుంది. ఇంట్లో శుభకార్యాలు జరుగుతాయి. కుటుంబపరంగా కలిసొస్తుంది. భార్యాపిల్లలకు మేలు జరుగుతుంది. మే 14 నుంచి గురువు అష్టమ స్థానంలో ఉంటాడు. ఆ ఫలితాలు కొద్దిగా ఇబ్బంది కలిగిస్తాయి. కాబట్టి, సుదూర ప్రయాణాలు చేయకండి. ఆర్థిక విషయాల్లో జాగ్రత్తగా ఉండండి. తృతీయ రాశిలో బృహస్పతి సంచారం సౌభాగ్యదాయకం. నవమ స్థానంలో గురువు సంచారం మేలు చేస్తుంది. అయితే శని, రాహువులు పెద్దగా సహకరించడం లేదు. ఆత్మబలంతో ఆ పరిమితిని అధిగమించాలి. ప్రణాళికతో పనులు పూర్తి చేసుకోవాలి. చర్చలూ, సంప్రదింపుల సమయంలో ఉద్వేగాలపైన నియంత్రణ కోల్పోకూడదు. శాంతంగా వ్యవహరించాలి. మిత భాషణం అన్ని విధాలా ఉత్తమం. కేతువు ఏకాదశ స్థానంలో సిరిసంపదల్ని అందిస్తాడు. దశమ స్థానంలో లాభాలనూ, పదోన్నతులనూ ప్రసాదిస్తాడు. సంపాదన కొంతమేర పెరుగుతుంది. విద్యార్థులు చదువుల్లో రాణిస్తారు. పరీక్షల్లో ఉత్తమ ఫలితాలు సాధిస్తారు. ఉద్యోగులు కొత్త బాధ్యతలు చేపడతారు. వ్యాపారులు ఇబ్బందులను అధిగమిస్తారు. ఆర్థిక వ్యవహారాల్లో ఆచితూచి అడుగేయాలి. గణపతిని ప్రార్థించాలి.   ఈ రాశివారి అదృష్ట సంఖ్య 9, కలిసొచ్చే వారం - గురువారం, రంగులు - ఎరుపు, పసుపుపచ్చ. అదృష్ట దైవం శివుడు. ఆదాయం: 5; వ్యయం: 5 రాజపూజ్యం: 1; అవమానం: 5 ఆదాయ వ్యయాలు సమానంగా ఉంటాయి. అదృష్టయోగం 75 శాతం మేర ఉంది. జీవిత లక్ష్యాల్ని సాధించడానికి అనువైన కాలం. అయితే, ప్రణాళికాబద్ధంగా కృషి చేయాలి. అప్పుడే, సత్ఫలితాలను సాధిస్తారు. ఈ ఏడాది స్థిరాస్తులు వృద్ధి చెందుతాయి. కొన్ని చరాస్తులనూ సమకూర్చుకుంటారు. గృహ నిర్మాణం చేపడతారు. భూ లాభం సైతం గోచరిస్తోంది. మే 14 నుంచి గురుబలం సంపూర్ణంగా ఉంటుంది. ఇంట్లో శుభకార్యాలు జరుగుతాయి. వృత్తి, ఉద్యోగ, వ్యాపారాల్లో మేలు చేకూరుతుంది. ఉద్యోగులకు పదోన్నతులు లభిస్తాయి. వ్యాపారంలో భాగస్వాముల ప్రోత్సాహం అందుతుంది. వృత్తి నిపుణులు గౌరవ పురస్కారాలు అందుకుంటారు. సంవత్సరం ప్రారంభంలోనూ, చివర్లోనూ గురుబలం పెద్దగా సహకరించదు. కాబట్టి, ఏ పనినైనా లోతుగా ఆలోచించే చేయాలి. ఈ రాశివారికి అర్ధాష్టమ శని దోష ప్రభావం కూడా మొదలవుతోంది. అందువల్ల, కుటుంబ సభ్యులతో శాంతంగా వ్యవహరించాలి. బంధాలకు ఇబ్బంది కలిగేలా ప్రవర్తించకూడదు. ఒకట్రెండు అవరోధాలు ఎదురైనా ఒత్తిడికి గురికాకూడదు. సంయమనంతో స్పందించాలి. రాశుల ప్రభావం వల్ల శత్రువుల తాకిడి కొంత ఎక్కువగానే ఉంటుంది. మీ విజయాల్ని అడ్డుకునే ప్రయత్నం చేస్తారు. మానసికంగా దెబ్బతీయాలని చూస్తారు. వాటన్నింటినీ లౌక్యంగా ఎదుర్కోవాలి. ఓర్పు, సహనం చాలా అవసరం. అవసరమైతే, పలుకుబడి కలిగిన వ్యక్తుల సహాయ సహకారాలు తీసుకోవాలి. ఆధ్యాత్మిక సాధన పెంచాలి. ఆరోగ్యంపైన మరింత దృష్టి పెట్టాలి. స్నేహితుల విషయంలో అపార్థాలకు అవకాశం ఇవ్వకూడదు. ఆర్థిక లావాదేవీల్లో జాగ్రత్తగా ఉండాలి. ఇతరుల మాటలు గుడ్డిగా నమ్మకూడదు. కోర్టు వ్యాజ్యాలకు ఆస్కారం ఉంది. అవగాహనా లోపంతో తీసుకునే వ్యాపార నిర్ణయాలు తీవ్ర నష్టం కలిగించే ప్రమాదం లేకపోలేదు. ఈ రాశివారికి రాహుకేతువులు ఏదో ఓ రూపంలో మేలు చేస్తారు. విద్యార్థులు బలమైన ప్రయత్నంతో ఉత్తమ విజయాలు సాధిస్తారు. ఉద్యోగులు ఉన్నత స్థానాలకు ఎదుగుతారు. వ్యాపారులు తమ కార్యకలాపాలను విస్తరించడానికి సరైన సమయం. నిత్యం వేంకటేశ్వర స్వామిని పూజించాలి.  ఈ రాశివారి అదృష్ట సంఖ్య 3, కలిసొచ్చే వారం - మంగళవారం, రంగులు - పసుపుపచ్చ, ఎరుపు. అదృష్ట దైవం సుబ్రహ్మణ్యస్వామి ఆదాయం: 8; వ్యయం: 14 రాజపూజ్యం: 4; అవమానం: 5 ఆదాయం పుష్కలం. పరిపూర్ణమైన అదృష్టయోగం ఉంది. శుభకార్యాల కోసం శక్తికి మించి ఖర్చు చేస్తారు. అనవసర వ్యయాల్ని నియంత్రించడం మేలు. ముఖ్య నిర్ణయాల్లో నిపుణుల సలహా తప్పనిసరి. రాజపూజ్యం కంటే అవమానమే కాస్త ఎక్కువగా ఉంది. కాబట్టి, పరిస్థితుల్ని గమనించుకుంటూ వెళ్లాలి. శ్రమకు తగిన గుర్తింపు లభిస్తుంది. సమాజంలో గౌరవం పెరుగుతుంది. పరుషమైన భాష కష్టాలను తెచ్చిపెడుతుంది. సంవత్సరం మొదట్లోనూ, చివర్లోనూ దేవగురువైన బృహస్పతి శుభ స్థానాల్లో ఉండటం వల్ల ఉత్తమ ఫలితాలు అందుతాయి. కుటుంబ జీవితం సంతోషంగా సాగుతుంది. పిల్లలు వృద్ధిలోకి వస్తారు. అధికార లాభం సూచితం. పెద్దల ఆశీస్సులు లభిస్తాయి. మే 14 నుంచి అక్టోబరు 18 వరకూ చాలా కీలకమైన సమయం. ఏకాగ్రతతో పనిచేస్తే విజయం తథ్యం. మకరరాశి వారికి ఏలినాటి శని దోషం పూర్తయింది. దీంతో, తృతీయ స్థానంలోని శని శుభ ఫలితాలు ప్రసాదిస్తాడు. రాహువు సంవత్సర ప్రారంభంలో కొంత సహకరిస్తున్నా... ఉమ్మడిగా రాహుకేతువులు ఇబ్బంది కలిగిస్తారు. గురువు షష్ఠమ స్థానంలో ఉన్నప్పుడు శత్రుపీడ మనశ్శాంతిని మింగేస్తుంది. బలహీనులైన ప్రత్యర్థులకు సైతం ఎక్కడలేని బలం వస్తుంది. మీ ఎదుగుదలను అడ్డుకోవాలని చూస్తారు. ఆ సంక్షోభ సమయాల్లో దైవబలం మిమ్మల్ని కాపాడుతుంది. ఆత్మీయుల సహకారంతో ఆపదల నుంచి బయటపడతారు. వాహన ప్రయాణంలో హద్దులు మీరిన వేగాన్ని పరిహరించాలి. దురలవాట్లకు దూరంగా ఉండాలి. విద్యార్థులు మంచి మార్కులతో ఉత్తీర్ణులు అవుతారు. ఉద్యోగులు పదోన్నతి సాధిస్తారు. వ్యాపారులు ఆకర్షణీయమైన లాభాలను అందుకుంటారు. కాకపోతే, సమయపాలన ముఖ్యం. ఈ ఏడాది ఓ శుభవార్త వింటారు.  పూజలూ, వ్రతాల్లో పాల్గొంటారు. ప్రయాణాలను ఆస్వాదిస్తారు. బ్రహ్మచారుల వివాహ ప్రయత్నాలు ఫలిస్తాయి. ఉద్వేగాలను నియంత్రణలో ఉంచుకోవాలి. విపత్కర పరిస్థితుల్లోనూ మనోబలాన్ని కోల్పోకూడదు. ధర్మ మార్గాన్ని వదిలిపెట్టకూడదు. కొన్ని వార్తలు  కొత్త ఆలోచనలను ప్రసాదిస్తాయి. రాహుకేతు ధ్యానం, గురుజపం మంచి చేస్తాయి. లక్ష్మీనరసింహస్వామిని ఉపాసించాలి.  ఈ రాశివారి అదృష్ట సంఖ్య 8, కలిసొచ్చే వారం - శుక్రవారం, రంగులు - నీలం, తెలుపు. అదృష్ట దైవం లక్ష్మీదేవి. ఆదాయం: 8; వ్యయం: 14 రాజపూజ్యం: 7; అవమానం: 5 శ్రమకు తగిన ప్రతిఫలం అందుతుంది. అదృష్టయోగం 25 శాతం మాత్రమే ఉంది. అయినా, ఆత్మబలంతో పరిస్థితుల్ని అనుకూలంగా మార్చుకుంటారు. సంపదలు వృద్ధి చెందుతాయి. సత్కార్యాలకు డబ్బు ఖర్చు చేస్తారు. స్థిరాస్తులు వృద్ధి చెందుతాయి. పెట్టుబడులు లాభాలను కురిపిస్తాయి. అదే సమయంలో క్రమానుగతమైన ధనక్షయం గోచరిస్తోంది. పొదుపు-మదుపు గురించి ఆలోచించడం తప్పనిసరి. అవమానం కంటే రాజపూజ్యం ఎక్కువగా ఉంది. దీనివల్ల, సమాజంలో కీర్తి లభిస్తుంది. మే నుంచి గురుబలం పెరుగుతుంది. ఇంట్లో శుభకార్యాలు జరుగుతాయి. ఆశించిన ఫలితాలను సాధిస్తారు. దీర్ఘకాలిక లక్ష్యాలు పూర్తవుతాయి. వృత్తి, ఉద్యోగ, వ్యాపారాల్లో కలిసొస్తుంది. ఈ రాశి వారికి ఏలినాటి శని ధనరాశిలో కొనసాగుతోంది. దీంతో, శని ద్వితీయ స్థానంలో ఉన్నప్పుడు కుటుంబ జీవితంలో కొన్ని ఇబ్బందులు ఎదురవుతాయి. జీవిత భాగస్వామితో చిన్నపాటి మనస్పర్ధలు రావచ్చు. ఆర్థిక వ్యవహారాల్లో పొరపాట్లకు ఆస్కారం ఉంది. రాహుకేతువులు వ్యతిరేక స్థానాల్లో ఉండటం వల్ల వృత్తి ఉద్యోగాల్లో కొద్దిపాటి ఆటంకాలు ఉంటాయి. బుద్ధిబలంతో వాటిని అధిగమించాలి. ఆరోగ్యం జాగ్రత్త. అనవసర ప్రయాణాలను పరిహరించడం ఉత్తమం. చాపకింద నీరులా మిమ్మల్ని ఇబ్బంది పెట్టే ప్రయత్నాలూ జరుగుతాయి. ఆత్మీయులతో సంప్రదించాకే ముఖ్య నిర్ణయాలు తీసుకోవాలి. భవిష్యత్తు ఆశాజనకం. విద్యార్థులు లక్ష్యసాధనకు మరింత కృషి చేయాలి. ఉద్యోగంలో పదోన్నతులు, వ్యాపారంలో లాభాలు ఉంటాయి. ఖర్చులు అధికమైనా, ఆదాయం స్థిరం. ఇలవేల్పును పూజించాలి. శని, రాహు-కేతు స్తోత్రాలు జపించాలి.  ఈ రాశివారి అదృష్ట సంఖ్య 8, కలిసొచ్చే వారం - బుధవారం, రంగులు - నీలం, ఆకుపచ్చ. అదృష్ట దైవం విష్ణుమూర్తి. ఆదాయం: 5; వ్యయం: 5 రాజపూజ్యం: 3; అవమానం: 1 అదృష్టయోగం యాభై శాతం మేర ఉంది. గురువు అనుగ్రహం వల్ల పరిస్థితి క్రమంగా మెరుగుపడుతుంది. ఆదాయ వ్యయాలు సమానంగా ఉంటాయి. కృషికి తగిన ఫలితం లభిస్తుంది. అందివచ్చిన అవకాశాల్ని సద్వినియోగం చేసుకుంటారు. అవమానం తక్కువ, రాజపూజ్యం ఎక్కువ. దీనివల్ల సమాజంలో పేరుప్రతిష్ఠలు పెరుగుతాయి. చాలా విషయాల్లో మిశ్రమ ఫలితాలు ఉంటాయి. ఈ సంవత్సరం తృతీయ భాగంలో... అంటే, పంచమ స్థానంలో గురువు సంచరిస్తున్నప్పుడు పిల్లలు అన్ని విధాలుగా రాణిస్తారు. మిత్రబలం పెరుగుతుంది. పెద్దల సహకారం లభిస్తుంది. ఇంట్లో శుభకార్యాలు నిర్వహిస్తారు. ఏడాది ఆరంభం నుంచి... గురువు తృతీయ, చతుర్థ స్థానాల్లో సంచరిస్తున్నప్పుడు వృత్తి, ఉద్యోగ, వ్యాపారాల్లో కొద్దిపాటి అవరోధాలు ఉంటాయి. కాబట్టి, మరింత శ్రద్ధగా పని చేయాలి. ఎట్టి పరిస్థితుల్లోనూ నిర్ణయాల్ని వాయిదా వేయవద్దు. ఈ రాశి వారికి ఏలినాటి శని దోషం ప్రారంభమైంది. ఆరోగ్యం విషయంలో జాగ్రత్తగా ఉండాలి. కొన్నిసార్లు అనవసరంగా మాట పడాల్సి వస్తుంది. అయినా, కుంగిపోకూడదు. మానసిక ఒత్తిడిని జయించాలి. రాహు-కేతు దోషాలూ ఉన్నాయి. ఆరోగ్యంపైన రాహువు ప్రభావం ఉంటుంది. ఉత్తరార్ధంలో కేతువు విజయాన్ని ప్రసాదిస్తాడు. విద్యార్థులకు శుభ ఫలితాలు అందుతాయి. వృత్తి ఉద్యోగాల్లో పురోగతి ఉంటుంది. కొత్త అవకాశాలు తలుపుతడతాయి. వ్యాపారంలో పెట్టుబడులు కలిసొస్తాయి. కొన్ని గ్రహస్థితులు అనుకూలంగా లేకపోయినా, ఆత్మబలంతో అనుకున్నది సాధిస్తారు. ఆధ్యాత్మిక సాధనతో, నిత్య పూజలతో దైవీశక్తుల మద్దతు సంపాదించాలి. శని, రాహు గ్రహ స్తోత్రాలు చదువుకోవాలి. ఈ రాశివారి అదృష్ట సంఖ్య 3, కలిసొచ్చే వారం - సోమవారం, రంగులు - పసుపుపచ్చ, తెలుపు. అదృష్ట దైవం దుర్గాదేవి. మరిన్ని ఆసక్తికరమైన ఉపయోగకరమైన వార్తలు విశేషాలు చదవండి. 👈 Tags: Weekly Horoscope, Zodiac sign, zodiac results, asrtology, viswavasu results

DA hike: కేంద్ర ప్రభుత్వ ఉద్యోగులకు డీఏ 2 శాతం మేర పెంచుతూ కేంద్ర కేబినెట్‌ నిర్ణయం తీసుకుందిDA hike: కేంద్ర ప్రభుత్వ ఉద్యోగులకు డీఏ 2 శాతం మేర పెంచుతూ కేంద్ర కేబినెట్‌ నిర్ణయం తీసుకుంది DA hike: కేంద్ర ప్రభుత్వ ఉద్యోగులకు గుడ్‌న్యూస్‌.. డీఏ పెంపు DA hike | దిల్లీ: కేంద్ర ప్రభుత్వ ఉద్యోగులకు కేంద్రం గుడ్‌న్యూస్‌ చెప్పింది. డియర్‌నెస్‌ అలవెన్సు (DA) 2 శాతం మేర పెంచుతూ కేంద్ర కేబినెట్‌ శుక్రవారం నిర్ణయం తీసుకుంది. డీఏ సవరణ తర్వాత డీఏ 53 శాతం నుంచి 55 శాతానికి పెరగనుంది. దీంతో ఆ మేర ఉద్యోగుల వేతనం పెరగనుంది. దీంతో లక్షలాది మంది కేంద్ర ప్రభుత్వ ఉద్యోగులతో పాటు పెన్షనర్లకు ప్రయోజనం చేకూరనుంది. చివరగా గతేడాది జులైలో డీఏను 50 శాతం నుంచి 53 శాతానికి పెంచారు. ఏటా రెండుసార్లు కేంద్ర ప్రభుత్వ ఉద్యోగుల డీఏను కేంద్రం సవరిస్తూ ఉంటుంది. పెరుగుతున్న ధరలకు పరిహారంగా ఉద్యోగులు, పెన్షనర్లకు డీఏ అందజేస్తారు.

New rules from April 1st: ఏప్రిల్‌ 1 నుంచి మార్పులు: కొత్త పన్ను శ్లాబులు.. యూపీఐ, క్రెడిట్‌ కార్డు రూల్స్‌ New rules from April 1st: ఏప్రిల్‌ 1 నుంచి ఆర్థిక సంవత్సరంతో పాటు ఆర్థిక అంశాలకు సంబంధించి పలు కీలక మార్పులు రానున్నాయి. ఆ వివరాలు ఇవీ.. New rules from April 1st | మరికొన్ని రోజుల్లో కొత్త ఆర్థిక సంవత్సరంలోకి అడుగుపెట్టబోతున్నాం. కొత్త ఏడాదిలో ఆర్థిక వ్యవహారాలకు సంబంధించి అనేక మార్పులు చోటు చేసుకోబోతున్నాయి. బడ్జెట్‌లో ప్రకటించిన ఆదాయపు పన్ను మార్పులు, కొత్త శ్లాబులు ఏప్రిల్‌ 1 నుంచి అమల్లోకి రానున్నాయి. దీంతో పాటు క్రెడిట్‌ కార్డు రివార్డులు, యూపీఐ సేవలకు సంబంధించిన నిబంధనలూ మారనున్నాయి. ఆ వివరాలు ఇవీ.. రూ.12 లక్షల వరకు నో ట్యాక్స్‌ ఆదాయపు పన్నుకు సంబంధించి ఇటీవల బడ్జెట్‌లో కీలక మార్పులు ప్రతిపాదించారు. కొత్త పన్ను విధానాన్ని మరింత ఆకర్షణీయంగా తీర్చిదిద్దారు. రూ.12 లక్షల వరకు ఎలాంటి పన్నూ చెల్లించాల్సిన అవసరం లేదని ఆర్థిక మంత్రి నిర్మలా సీతారామన్‌ ప్రకటించారు. స్టాండర్డ్‌ డిడక్షన్‌ రూ.75 వేలు కలుపుకొంటే రూ.12.75 లక్షల వరకు ఎలాంటి పన్నూ చెల్లించాల్సిన అవసరం లేకుండా వేతన జీవులకు ఊరట కల్పించారు. అలాగే, రూ.25 వేలుగా ఉన్న రిబేట్‌ను రూ.60 వేలకు పెంచారు. టీడీఎస్‌, టీసీఎస్‌ మార్పులు ప్రస్తుత నిబంధనల ప్రకారం బ్యాంకుల్లోని డిపాజిట్లపై సీనియర్‌ సిటిజన్లకు (60 ఏళ్లు పైబడిన వారికి) జమయ్యే వార్షిక వడ్డీ రూ.50,000 దాటితే.. దానిపై మూలం వద్ద పన్ను (టీడీఎస్‌) వసూలు చేస్తున్నారు. ఇప్పుడు ఈ మొత్తాన్ని రూ.లక్షకు పెంచుతూ బడ్జెట్‌లో ప్రతిపాదించారు. 60 ఏళ్ల లోపు వ్యక్తులకు ఈ మొత్తాన్ని రూ.40,000 నుంచి రూ.50,000కు పెంచారు. విదేశీ చెల్లింపులు (లిబరలైజ్డ్‌ రెమిటెన్స్‌ స్కీమ్‌-ఎల్‌ఆర్‌ఎస్‌) ఒక ఆర్థిక సంవత్సరంలో రూ.7 లక్షలు దాటితే టీసీఎస్‌ (మూలం వద్ద పన్ను) వసూలు చేస్తున్నారు. ఇప్పుడు ఈ పరిమితి రూ.10 లక్షలకు పెరిగింది.  బ్యాంకుల నుంచి విద్యా రుణం తీసుకుని, ఆ మొత్తాన్ని విద్యార్థి ఫీజు కోసం విదేశాలకు పంపితే ఇకపై ఎలాంటి టీసీఎస్‌ ఉండదు క్రె డిట్‌ కార్డు రూల్స్‌ క్రెడిట్‌ కార్డులపై రివార్డుల్లో ఎస్‌బీఐ కార్డ్స్‌ కోత పెట్టింది. స్విగ్గీ, ఎయిరిండియా టికెట్‌ బుకింగ్‌లపై లభించే రివార్డులను కుదించింది. ఎస్‌బీఐ సింప్లీక్లిక్‌ క్రెడిట్‌ కార్డు, ఎయిరిండియా ఎస్‌బీఐ ప్లాటినమ్‌ కార్డు, ఎయిరిండియా ఎస్‌బీఐ సిగ్నేచర్‌ కార్డు హోల్డర్లకు వచ్చే ఏప్రిల్‌ 1 నుంచి ప్రయోజనాల్లో కోత పడనుంది. పూర్తి వివరాలు ఎయిరిండియాలో విస్తారా విలీనం నేపథ్యంలో యాక్సిస్‌ బ్యాంక్‌ కూడా విస్తారా క్రెడిట్‌ కార్డు రివార్డులను ఏప్రిల్ 18 నుంచి సవరించనుంది. ఆ తేదీన, లేదా ఆ తర్వాత ఎవరైతే కార్డును రెన్యువల్‌ చేస్తారో వారికి ఎలాంటి వార్షిక ఛార్జీలూ వర్తించవు. దీంతో పాటు కొన్ని ప్రయోజనాల్లోనూ కోత పడనుంది. ఐడీఎఫ్‌సీ ఫస్ట్‌ బ్యాంక్‌ కూడా మార్చి 31 తర్వాత రెన్యువల్‌ అయ్యే విస్తారా కార్డులకు వార్షిక రుసుము తొలగించింది. ఆ నంబర్లకు యూపీఐ సేవలు బంద్‌ ఇన్‌యాక్టివ్‌ లేదా వేరే వారికి కేటాయించిన మొబైల్‌ నంబర్లకు ఏప్రిల్‌ 1 నుంచి యూపీఐ సేవలు నిలిచిపోనున్నాయి. ఈ మేరకు బ్యాంకులు, పేమెంట్‌ సేవలందించే ప్రొవైడర్లకు.. నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా ఆదేశాలు జారీ చేసింది. అనధికారిక వాడకాన్ని, మోసాలను అరికట్టేందుకు ఆ నంబర్లను డీయాక్టివేట్‌ చేయాలని సూచించింది. యూపీఐ లైట్‌ వ్యాలెట్‌లో లోడ్‌ చేసిన మొత్తాలను మళ్లీ బ్యాంక్‌ అకౌంట్‌కు పంపించే సదుపాయం కూడా ఏప్రిల్‌ నుంచి అందుబాటులోకి రానుంది. ఈ మేరకు పేమెంట్‌ సర్వీస్‌ ప్రొవైడర్లకు ఎన్‌పీసీఐ గతంలో సూచించింది. మార్చి 31లోపు ఈ ప్రక్రియ పూర్తి చేయాలని ఆదేశించింది. అలాగే, యూపీఐ లైట్‌ వినియోగించాలంటే ఇకపై యాప్‌ పిన్‌, పాస్‌కోడ్‌, బయోమెట్రిక్‌ వంటివి వినియోగించాల్సి ఉంటుంది. యులిప్స్‌కు ట్యాక్స్‌: యులిప్స్‌లో పెట్టుబడులు పెడుతుంటే ప్రీమియం మొత్తం రూ.2.5 లక్షలు దాటితే ఉపసంహరణ సమయంలో క్యాపిటల్‌ గెయిన్స్‌ ట్యాక్స్‌ చెల్లించాల్సి ఉంటుంది. 2025 బడ్జెట్‌లో ఈ మార్పును ప్రతిపాదించారు. వాత్సల్యకు పన్ను ఊరట: పిల్లల భవిష్యత్‌ కోసం దీర్ఘకాలం పెట్టుబడి పెట్టాలనుకునే వారి కోసం తీసుకొచ్చిన ఎన్‌పీఎస్‌ వాత్సల్య పథకం కింద కొత్త ఆర్థిక సంవత్సరం నుంచి పన్ను మినహాయింపు పొందొచ్చు. సెక్షన్‌ 80సీసీడీ (1బి) కింద పన్ను ప్రయోజనాలను కల్పించారు. అయితే ఇది పాత పన్ను చెల్లింపుదారులకు మాత్రమే.

Spot Orders for Rajahmundry Division – Download Your Orders Now! Spot Orders for Rajahmundry Division – Download Your Orders Now! Welcome to the latest update on spot orders for the Rajahmundry Division! If you’ve been waiting for your latest assignments and directives, this post gathers all the essential instructions in one place. What You Need to Know The latest spot orders for various locations in the Rajahmundry Division have been issued. These orders outline key duties, assignments, and operational instructions that must be followed. Ensure that you check your assigned tasks carefully and act accordingly to maintain efficiency and compliance. How to Access Your Orders To find your specific spot order, download the official document provided below. This document contains all the necessary details, including work schedules, responsibilities, and required actions. Make sure to verify your order and follow the outlined instructions promptly. Important Instructions Carefully review the details mentioned in your order. Follow all operational guidelines to ensure smooth execution of duties. Report any discrepancies or issues to the concerned authorities immediately. Adhere to the timelines mentioned in the orders to avoid delays. Stay Updated! For more updates on spot orders and other essential notifications, make sure to like this post, leave a comment, and subscribe for the latest news.  Keeping up with these updates ensures you never miss any critical information! Download your spot order now and get started! 👈 DGE GUIDELINES 👈