UPSC Prelims 2024: సివిల్స్ ప్రిలిమ్స్-2024 ఫలితాలు విడుదల చేసిన యూపీఎస్సీ:UPSC Prelims 2024
- AP Teachers TV
- Jul 1, 2024
- 1 min read
సివిల్స్ ప్రిలిమ్స్-2024 ఫలితాలను యూనియన్ పబ్లిక్ సర్వీస్ కమిషన్ సోమవారం విడుదల చేసింది. ఆ ఫలితాలను తన అధికారిక వెబ్సైట్ upsc.gov.inలో ఉంచింది.
న్యూఢిల్లీ, జులై 01,ఏపీ టీచర్స్ టీవీ : సివిల్స్ ప్రిలిమ్స్-2024 ఫలితాలను యూనియన్ పబ్లిక్ సర్వీస్ కమిషన్ (యూపీఎస్సీ) సోమవారం విడుదల చేసింది. ఆ ఫలితాలను తన అధికారిక వెబ్సైట్ upsc.gov.inలో ఉంచింది. ఈ ఏడాది సివిల్స్ ప్రిలిమినరీ పరీక్షను జూన్ 16వ తేదీన దేశవ్యాప్తంగా యూపీఎస్సీ నిర్వహించిన సంగతి తెలిసిందే. మొత్తం 400 మార్కులతో అన్ని అబ్జెక్టివ్ ప్రశ్నలతో రెండు పేపర్లగా ఈ పరీక్ష నిర్వహించారు.
ఈ ప్రిలిమ్స్ పరీక్షల్లో ఉత్తీర్ణత సాధించిన వారు.. మెయిన్స్ పరీక్షలకు హాజరుకావాల్సి ఉంది. సెప్టెంబర్ 20వ తేదీ నుంచి మెయిన్స్ పరీక్షలు ప్రారంభంకానున్నాయి. ఈ మెయిన్స్ పరీక్షల్లో కూడా ఉత్తీర్ణత సాధిస్తే.. ఇంటర్వ్యూకు హాజరు కావాల్సి ఉంది. మరోవైపు గతేడాది సివిల్స్ ప్రిలిమ్స్ పరీక్ష మే 26వ తేదీన నిర్వహిస్తే.. జూన్ 12న ఫలితాలు విడుదల చేసిన విషయం విధితమే.
Comments