తుర్కియేలో బయటపడిన 13,000 ఏళ్ల నాటి రాతి క్యాలెండర్‌

#rockcalender #ancientcalendar #turkey

ప్రపంచంలోనే అతి పురాతనమైన క్యాలెండర్‌ దక్షిణ తుర్కియేలో లభ్యమైంది. తుర్కియేలోని గోబెక్లి టేపే వద్ద పురావస్తు శాస్త్రవేత్తలు పరిశోధనలు చేస్తున్న సమయంలో ఒక భారీ రాతి స్తంభం బయటపడింది.

ఇంటర్నెట్‌ డెస్క్‌: ప్రపంచంలోనే అతి పురాతనమైన క్యాలెండర్‌ దక్షిణ తుర్కియేలో లభ్యమైంది. తుర్కియేలోని గోబెక్లి టేపే వద్ద పురావస్తు శాస్త్రవేత్తలు పరిశోధనలు చేస్తున్న సమయంలో ఒక భారీ రాతి స్తంభం బయటపడింది. దానిపై సూర్యచంద్రులకు సంబంధించిన గుర్తులు, మరికొన్ని ఇతర చిహ్నాలను గుర్తించారు. కాగా ఆ ఆలయం 13,000 ఏళ్ల నాటిదని, రాతి స్తంభంపై ఉన్న గుర్తులు అప్పటి సూర్యచంద్రుల కాలాలకు సంబంధించినవని పేర్కొన్నారు.

ఇటువంటి చిహ్నాలను సుమారు 10,850 బి.సి.లో చెక్కి ఉంటారని భావిస్తున్నారు. అప్పట్లో దీనిని ఓ క్యాలెండర్‌గా ఉపయోగించి ఉండొచ్చన్నారు. ఈ స్తంభంపై 365 జు ఆకారపు చిహ్నాలు చెక్కి ఉన్నాయని, అందులోని ఒక్కో జు ఒక్కో రోజును సూచిస్తోందని పేర్కొన్నారు. ఇందులో 12 చంద్ర నెలలు అదనంగా 11రోజులు ఉన్నట్లు వివరించారు. అంతే కాకుండా ఓ పక్షిలాంటి ఆకారం చెక్కి దాని చూట్టూ ఒకే విధమైన జు ఆకారపు చిహ్నాలు రూపొందించారని ఇవి అప్పటి కాలాలను సూచిస్తున్నాయని వెల్లడించారు.